തണുത്തു വിറച്ച്
കയറിവരാന്‍ കൊതിച്ച്
പുറത്തൊരു  മഴ

മിഴി പറിച്ചിട്ടും
മനസ്സില്‍ ഒട്ടി
പ്രണയം

കാനനം മയക്കിടും വിധം നിഗൂഡസുന്ദരം
അനേകമുണ്ടെനിക്കു പക്ഷെ കാത്തിടാന്‍ പ്രതിജ്ഞകള്‍
മയക്കമില്ലെനിക്കു താണ്ടിടാതെ കാതമായിരം
മയക്കമില്ലെനിക്കു താണ്ടിടാതെ കാതമായിരം
- praveen karoth-

മണ്മറയാന്‍
ഇന്നിന്‍റെ കൊലക്കയര്‍ കാത്ത്
ക്ഷമയോടെ ദിനങ്ങള്‍

കുഞ്ഞു തിരകള്‍ 
കളിക്കുന്നു
കടലമ്മ ചിരിക്കുന്നു

മാനം നോക്കി
വിധിയെ പഴിച്ച്
കരിയില

കളപോലും
കളയാതെ
അമ്മ

മനസ്സില്‍
പച്ചപ്പ്‌ പെരുക്കുന്നു
കൊടും വേനല്‍

നദിയുടെ ആഴത്തില്‍
വേനല്‍ കടിച്ചു തുപ്പിയ
മീനിന്‍റെ അവശേഷിപ്പ്

ഇരുട്ടിനെ തൊട്ടുണര്‍ത്തി
നിലാവ്
വീണ്ടും രാത്രി

റോസ് പൂവിനു
യാര്‍ഡ്‌ ലിയുടെ ഗന്ധം
കുരുന്ന് കണ്ണില്‍ അത്ഭുതം

അവള്‍ ചിരിച്ചു
ഹൃദയം തുടിച്ചു
സ്വപ്നം ഉടഞ്ഞു

കഠിന തപസ്സ്
വരലബ്ദി
ചിത്ര ശലഭം

കളിമരങ്ങള്‍ ഇല്ലാതെ
നിരാശനായി
മെല്ലെ കാറ്റ്

സൂര്യനോട് തോറ്റും
തോല്‍ക്കാതെ
വേനല്‍ മരം

ജയം മാറിമറിയുന്നു
നിഴല്‍ യുദ്ധത്തില്‍
ഇരുട്ടും നിലാവും

ചെമ്മാനം
കണ്ണീര്‍ ഉതിര്‍ത്തു
വാകപ്പൂക്കള്‍

ഒരിറ്റു കണ്ണുനീരിനായി
തുടിക്കുന്ന ഭൂമി
കലികാലം!

തളര്‍ന്ന നദികളെ
തഴുകിയുറക്കുന്നു
വള്ളികള്‍

തളര്‍ന്ന നദികളെ
തഴുകിയുറക്കുന്നു
വള്ളികള്‍

കൊഴിഞ്ഞ ഇലകള്‍ക്ക്
പുഷ്പചക്രവുമായി
വസന്തം.

വിധി വിതച്ച വിത്തുകള്‍
കൊയ്തെടുക്കാന്‍
നമുക്ക് വിധി

തേന്‍ കഴിഞ്ഞാല്‍
മറ്റൊരു പൂവിലേക്ക്
പെണ്‍ ശലഭം

charming the flowers
searching more honey
a butterfly 

മഴയില്‍ കളിക്കാന്‍ മാത്രം
മാളത്തില്‍ നിന്നിറങ്ങുന്നു
പുഴകള്‍

കടപ്പാട് :ഗൂഗിള്‍

ആത്മഹത്യക്ക്
ഊഴം കാത്ത്, ക്ഷമയോടെ
മഞ്ഞു തുള്ളികള്‍

കാമസൂത്രം

കാമമെന്തെന്നറിയാത്ത പ്രായത്തെ
സൂത്രത്തില്‍ ചൊല്ലി മയക്കുന്ന കാലത്തിന്‍
കാലക്കേടിനാല്‍ പിറന്നു പോയ്‌ ഞാനും 

സ്വപ്നം

ഉണരാതിരിക്കാന്‍ 
പ്രാര്‍ഥിക്കാന്‍
ഉണരേണ്ടി വന്നു

ഞാനെന്‍ കൂടെയുണ്ടെന്ന്
എന്നെ അറിയിക്കുന്നു
നിഴല്‍ !

നദിയിലൊളിച്ച പ്രിയയെ
കണ്ടു ചിരിക്കുന്നു
ചന്ദ്രന്‍

നാണം ഉരിഞ്ഞു
കണ്ടവര്‍ക്ക് കൊടുത്തു
നഗ്നത